É evidente, por moito que certos persoeiros teimen, por cegueira ou cálculo político, en negalo, que o idioma galego se atopa nunha situación de forte desavantaxe con respeito ao castelán. Este desequilibro é manifesto en moitos ámbitos da vida cotián. Loitar contra el (o desequilibro), foi una encomenda que a sociedade galega, unánimemente, nos fixo, entre outros, aos docentes, encomenda que nós asumimos e á que non estamos dispostos a renunciar.
Un dos campos no que é máis nidia esa desigualdade é o dos recursos audiovisuais postos a disposición dos nen@ e familias galegas.
Por iso xurde este espazo. Queremos, aproveitar a evidente afinidade que existe entre o galego e o portugués (fuxindo de polémicas sobre o grao de consanguinidade), e brindar aos nen@s, familias e docentes galeg@s una serie de recursos, totalmente axeitados, que axuden a paliar a escaseza de oferta existentes no eido audiovisual.
Tanto os contidos como o deseño da páxina están pensados, de xeito orientativo, para nenos de 2 a 8 anos aprox. De aí que incluamos dúas series que, malia estar en inglés, a presenza oral é mínima, ora os contidos son moi apropiados para os máis pequenos.
E loxicamente resulta tamén, un recurso axeitado para @s nen@s e familias portugués-falantes.
P.D.: Este sitio non aloxa ningún tipo de contido, só fai referencia a contidos existentes na rede.
